Neno la Mungu

Jinsi ya Kuisoma Biblia

Waweza kuisoma Biblia bila kukoma, na hata hivyo usijifunze neno lo lote kwayo, isipokuwa iangazwe na Roho; ndipo maneno yake huangaza kama nyota. Kitabu hicho huonekana kama kimetengenezwa kwa karatasi ya dhahabu; kila herufi hung'aa kama almasi. Ee! ni jambo la baraka kuisoma Biblia iliyoangazwa, iliyomulikwa kwa mng'ao wa Roho Mtakatifu. Je, umeisoma Biblia, na hata hivyo macho yako yamekuwa hayajaangazwa? Nenda ukaseme, "Ee Bwana, iangaze; ing'arishe; kwa maana siwezi kuisoma kwa faida, usiponiangaza." Vipofu waweza kuisoma Biblia kwa vidole vyao, lakini nafsi zilizopofuka haziwezi. Twahitaji nuru ya kuisomea Biblia; haiwezekani kuisoma gizani.

Fafanuzi Isiyokosea

Wale wapendao kulijua vema kabisa Neno la Mungu, sharti walichunguze katika nuru yake lenyewe.

Kujifunza kwa Moyo

Hatuwezi kujifunza lo lote la injili ila kwa kuzihisi kweli zake. Kuna elimu nyingine ziwezazo kujifunzwa kwa kichwa, lakini elimu ya Kristo aliyesulubiwa yaweza kujifunzwa kwa moyo peke yake.