Mlango Umefungwa — Peke Yako na Mungu

“Bali wewe usalipo, ingia katika chumba chako cha ndani, na ukisha kufunga mlango wako, usali mbele za Baba yako aliye sirini; na Baba yako aonaye sirini atakujazi...” Mathayo 6:6.

Mwanadamu aliumbwa kwa ajili ya ushirika na Mungu. Mungu alimfanya kwa mfano na sura yake, ili afae kwa jambo hili, awe na uwezo wa kumfahamu na kumfurahia Mungu, kuingia katika mapenzi yake, na kuufurahia utukufu wake. Kwa kuwa Mungu ndiye Aliyepo Kila Mahali na Ajazaye Yote, mwanadamu angeweza kuishi katika kuufurahia ushirika usiokatika katika kazi yoyote aliyokuwa nayo ya kufanya.

Dhambi ilituibia ushirika wake.

Hakuna kitu ila ushirika huu kiwezacho kuutosheleza moyo wa mwanadamu wala wa Mungu. Ni huu ndio Kristo aliokuja kuurejesha; kumleta tena kwa Mungu kiumbe chake kilichopotea, na kumleta tena mwanadamu kwa yale yote aliyoumbiwa. Umoja na Mungu ndio kilele cha baraka zote duniani kama ilivyo mbinguni. Huja wakati ile ahadi, iliyotolewa mara nyingi mno, inapokuwa uzoefu kamili: “Sitakupungukia kamwe wala sitakuacha,” na tunapoweza kusema: Baba yu pamoja nami sikuzote. Umoja huu na Mungu umekusudiwa kuwa wetu mchana kutwa, hali yetu iwe yoyote au hali zinazotuzunguka ziwe zipi. Lakini kuufurahia kwake kwategemea uhalisi wa umoja katika chumba cha ndani. Nguvu ya kudumisha ushirika wa karibu na wa furaha na Mungu mchana kutwa itategemea kabisa uzito ambao kwao twautafuta kuuhakikisha katika saa ya maombi ya siri. Jambo moja la lazima katika Zamu ya Asubuhi au Saa ya Utulivu ni—Ushirika na Mungu. Ni hili ndilo Bwana wetu anatufundisha kuwa siri ya ndani ya maombi ya siri: “Funga mlango wako, usali mbele za Baba yako aliye sirini” Mathayo 6:6.

Jambo la kwanza na kuu ni kuona kwamba pale sirini una uwepo na usikivu wa Baba. Ujue kwamba anakuona na kukusikia. La maana zaidi kuliko maombi yako yote, yawe ya haraka kiasi gani, la maana zaidi kuliko bidii yako yote na juhudi ya kusali ipasavyo, ni jambo hili moja—ile hakika ya kitoto, iliyo hai, kwamba Baba yako anakuona, kwamba sasa umekutana naye, na kwamba huku jicho lake likiwa juu yako na lako juu yake, sasa unafurahia umoja halisi pamoja naye.

Mkristo, kuna hatari ya kutisha ambayo umewekwa wazi kwayo katika chumba chako cha ndani. Uko hatarini ya kuweka Maombi na Kujifunza Biblia mahali pa ushirika ulio hai na Mungu, yaani ule ubadilishano ulio hai wa kumpa upendo wako, moyo wako, na maisha yako, na kupokea kutoka kwake upendo wake, uzima wake, na roho yake.

Mahitaji yako na kuyaeleza kwake, pamoja na shauku yako ya kusali kwa unyenyekevu na bidii na imani, yaweza kukuteka hivi, hata mwanga wa uso wake na furaha ya upendo wake visiweze kukuingia.

Kujifunza kwako Biblia kwaweza kukupendeza hivi, na kuamsha hisia za kidini za kupendeza kiasi kwamba, naam, hata neno lenyewe la Mungu laweza kuwa mbadala wa Mungu Mwenyewe, kizuizi kikubwa zaidi kwa ushirika kwa sababu kinaishikilia nafsi badala ya kuiongoza kwa Mungu Mwenyewe. Nasi twatoka kwenda kwenye kazi ya siku bila nguvu ya ushirika udumuo, kwa sababu katika ibada zetu za asubuhi baraka haikuhakikishwa. Tofauti kubwa ingekuwaje katika maisha ya wengi ikiwa kila kitu chumbani kingekuwa cha chini ya jambo hili moja: Nataka kuenenda na Mungu mchana kutwa; saa yangu ya asubuhi ndio wakati Baba yangu anaingia agano dhahiri nami nami naye kwamba iwe hivyo. Nguvu gani ingetolewa kwa ufahamu huu: Mungu amenishika, anakwenda nami Mwenyewe; nakwenda kufanya mapenzi yake kwa nguvu zake mchana kutwa; niko tayari kwa yote yatakayokuja! Naam, uadhama gani ungeingia maishani ikiwa maombi ya siri hayangekuwa tu kuomba hisi fulani mpya ya faraja, mwanga, au nguvu, bali kuyatoa maisha kwa siku moja tu katika ulinzi wa uhakika na salama wa Mungu Mwenye Nguvu na Mwaminifu!

Usali mbele za Baba yako aliye sirini. Na Baba yako aonaye sirini atakujazi.” Pale ushirika wa siri na Baba katika roho na kweli unapodumishwa, maisha ya hadhara mbele ya watu yatabeba tuzo.

Baba aonaye sirini anachukua uongozi na kutuza wazi. Kujitenga na watu, katika upweke pamoja na Mungu, ndiyo njia ya uhakika, na njia pekee ya kuishi katika umoja na watu kwa nguvu ya baraka ya Mungu.