በየቅጽበቱ

በየቅጽበቱ

«እኔ እግዚአብሔር እጠብቃታለሁ፤ በየቅጽበቱም አጠጣታለሁ።»

ከኢየሱስ ጋር ሞቻለሁ፤ ሞቱ የእኔ ሆኖ ተቆጥሮልኛል፤

ከኢየሱስ ጋር እኖራለሁ፤ መለኮታዊ አዲስ ሕይወት ነው፤

ክብር እስኪያበራ ድረስ ወደ ኢየሱስ እመለከታለሁ፥

ጌታ ሆይ፥ በየቅጽበቱ የአንተ ነኝ።

አዝማች—በየቅጽበቱ በፍቅሩ ተጠብቄአለሁ፤

በየቅጽበቱ ከላይ ሕይወትን አገኛለሁ፤

ክብር እስኪያበራ ድረስ ወደ ኢየሱስ እመለከታለሁ፤

ጌታ ሆይ፥ በየቅጽበቱ የአንተ ነኝ።

ስለ ቅን ነገር ከክፉ ጋር የምገጥመው ውጊያ፥

እርሱ የማይዋጋልኝ ትግል ፈጽሞ የለም፤

ነጭ ዓርማውን ከላያችን ከፍ አድርጎ ያነሣል፤

በየቅጽበቱ በዓይኑ ፊት ተጠብቄአለሁ።

አዝማች።

እርሱ የሌለበት መከራ ፈጽሞ የለም፤

እርሱ የማይሸከመው ሸክም ፈጽሞ የለም፤

እርሱ የማይካፈለው ኀዘን ፈጽሞ የለም፤

በየቅጽበቱ በጥበቃው ሥር ነኝ።

አዝማች

የልብ ስብራትም ቢሆን፥ መቃተትም ቢሆን፥

እንባም ቢሆን፥ ሲቃም ቢሆን፥

አደጋም ቢሆን፥ እርሱ በዙፋኑ ላይ ሆኖ

በየቅጽበቱ ስለ ገዛ ወገኖቹ ያስባል።

አዝማች።

እርሱ የማይሰማው ድካም ፈጽሞ የለም፤

እርሱ ሊፈውሰው የማይችል ሕመም ፈጽሞ የለም፤

በየቅጽበቱ፥ በመከራም ሆነ በደኅንነት፥

አዳኜ ኢየሱስ አሁንም ከእኔ ጋር ይኖራል።

አዝማች።

(ዜማው ክሪስቺያን ኢንዴቨር ሂምስ በተባለው በአይ. ዲ. ሳንኪ መዝሙር መጽሐፍ ውስጥ ይገኛል)። ወይም በሞርጋን & ስኮት በታተመ በራሪ ወረቀት ላይ ይገኛል።