መደምደሚያ

እንግዲህ አንባቢ ሆይ፥ ሕልሜን ነገርሁህ፤

ለእኔ ልትተረጕመው ትችል እንደ ሆነ እይ፥

ወይም ለራስህ፥ ወይም ለባልንጀራህ፤ ነገር ግን ተጠንቀቅ

በስሕተት እንዳትተረጕመው፤ ያ መልካም ከማድረግ

ይልቅ፥ ራስህን ብቻ ይጐዳልና፤

በስሕተት በመተርጐም ክፉ ነገር ይከተላል።

ደግሞም ተጠንቀቅ፥ ከልክ እንዳታልፍ

በሕልሜ ውጫዊ ገጽታ በመጫወት፤

አምሳያዬ ወይም ምሳሌዬም

ለሳቅ ወይም ለጠብ አያነሣሣህ።

ይህን ለልጆችና ለሰነፎች ተው፤ አንተ ግን

የጉዳዬን ፍሬ ነገር ተመልከት።

መጋረጃውን ገልጥ፥ ከመጋረጃዬም ውስጥ ተመልከት፥

ምሳሌዎቼን ግለጥ፥ ቸልም አትበል።

በዚያ ብትፈልጋቸው፥ እንዲህ ያሉ ነገሮችን ታገኛለህ፥

ለቅን አእምሮ የሚረዱ።

በዚያ ከዝቃጬ ያገኘኸውን ሁሉ በድፍረት

ጣለው፥ ወርቁን ግን ጠብቀው።

ወርቄ በማዕድን ዐፈር ተጠቅልሎ ቢሆንስ?

ማንም ስለ ውስጠኛው ፍሬ ብሎ ፖሙን አይጥልም፤

ነገር ግን ሁሉንም ከንቱ ብለህ ብትጥለው፥

ዳግመኛ እንዳልም ያደርገኝ እንደ ሆነ አላውቅም።