የአባ እንጦንስ ዕረፍት

92. ይህን ከተናገረ በኋላ፣ እነርሱም ከሳሙት በኋላ፣ እግሮቹን አነሣ፤ ወዳጆች ወደ እርሱ ሲመጡ እንደሚያይና በእነርሱም ደስ እንደሚለው ሆኖ—ተኝቶ ሳለ ፊቱ በደስታ ይታይ ነበርና—ዐረፈ፤ ወደ አባቶቹም ተጨመረ። እነርሱም ከዚያ በኋላ እንደ ትእዛዙ ገንዘው ቀበሩት፤ ሥጋውንም ከመሬት በታች ሰወሩት። ከእነዚያ ከሁለቱ በቀር የተቀበረበትን ስፍራ እስከ ዛሬ ማንም አያውቅም። የብፁዕ አባ እንጦንስን የበግ ለምድና የለበሰውን ልብስ የተቀበሉት ግን እያንዳንዳቸው እንደ ከበረ መዝገብ ይጠብቁታል። እነርሱን ማየት ብቻ አባ እንጦንስን እንደ ማየት ነውና፤ የለበሳቸውም ተግሣጹን በደስታ የተሸከመ ይመስላል።