ለአንድ የጦር አለቃ የሰጠው ጥበበኛ መልስ

85. በሌላ ጊዜም ከሚሹት ሰዎች ዘንድ እንደዚሁ ግድ ደርሶበት፣ የወታደሮቹም አዛዥ ብዙ ከለመነው በኋላ ወረደ፤ በመጣም ጊዜ ለመዳን ስለሚጠቅሙ ነገሮችና ስለ ፈለጉት ሰዎች በአጭሩ ነገራቸው፤ ለመሄድም ቸኰለ። ዱክስ ተብሎ የሚጠራው የጦር አለቃ እንዲቆይ በለመነው ጊዜ ግን በመካከላቸው ሊዘገይ እንደማይችል መለሰለት፤ በሚያምር ምሳሌም እንዲህ ብሎ አሳመነው፦ «ዓሦች በየብስ ላይ ብዙ ቢቆዩ ይሞታሉ። እንዲሁም መነኮሳት በመካከላችሁ ቢዘገዩና ከእናንተ ጋር ጊዜ ቢያሳልፉ ኀይላቸውን ያጣሉ። ስለዚህ ዓሣ ወደ ባሕር መቸኰል እንደሚገባው እንዲሁ እኛም ወደ ተራራው መፍጠን ይገባናል፤ ብንዘገይ በውስጣችን ያሉትን ነገሮች እንዳንረሳ።» የጦር አለቃውም ይህንና ሌሎች ብዙ ነገሮችን ከእርሱ ሰምቶ ተደነቀ፤ እንዲህም አለ፦ «በእውነት ይህ ሰው የእግዚአብሔር አገልጋይ ነው። በእግዚአብሔር የተወደደ ባይሆን ኖሮ ያልተማረ ሰው ይህን የመሰለ ታላቅ ማስተዋል ከወዴት ያገኝ ነበር?»