የመሊጥዮስን መለያየትና የማኒንና የአርዮስን ኑፋቄ እንዴት እንደ ተቃወመ

68. በእምነቱም ፍጹም አስደናቂና ፈሪሀ እግዚአብሔር ያለው ነበረ፤ ከመሊጥዮስ ወገን ከሆኑት ከፋፋዮች ጋር ከቶ ኅብረት አላደረገም፤ ክፋታቸውንና ከመጀመሪያው ጀምሮ ከእምነት መራቃቸውን ያውቅ ነበርና። ከማኒካውያንም ሆነ ከሌሎች መናፍቃን ጋር የወዳጅነት ግንኙነት አልነበረውም፤ ቢኖረውም ወደ እውነተኛው አምልኮ እንዲመለሱ እስከ መምከር ብቻ ነበር። ከእነዚህ ጋር መቀራረብ ለነፍስ ጎጂና አጥፊ እንደ ሆነ ያስብና ያስረዳ ነበርና። እንዲሁም የአርዮሳውያንን ኑፋቄ ተጸየፈ፤ ሁሉም ወደ እነርሱ እንዳይቀርቡ፣ የተሳሳተ እምነታቸውንም እንዳይይዙ መከረ። አንድ ጊዜም አንዳንድ እብዶች አርዮሳውያን ወደ እርሱ በመጡ ጊዜ፣ ጠይቆ ክህደታቸውን ካወቀ በኋላ፣ ቃላቸው ከእባብ መርዝ የከፋ ነው ብሎ ከተራራው አባረራቸው።