በዚህ ጊዜ እንዴት ይኖር እንደ ነበር

47. በመጨረሻም ስደቱ ባቆመ ጊዜ፣ ብፁዕ ኤጲስ ቆጶስ ጴጥሮስም ምስክርነቱን በፈጸመ ጊዜ፣ አባ እንጦንስ ከዚያ ተነሥቶ እንደ ገና ወደ በዓቱ ገባ፤ በዚያም ዕለት ዕለት በሕሊናው ሰማዕት እየሆነ በእምነት ገድሎች ይጋደል ነበር። ተጋድሎውም እጅግ የጠነከረ ሆነ፤ ዘወትር ይጾም ነበርና፤ ከውስጥ የፀጉር ልብስ፣ ከላይ ደግሞ ቁርበት ይለብስ ነበር፤ ይህንንም እስከ ፍጻሜው ድረስ ጠበቀው። ከቆሻሻ ለመንጻት ሰውነቱን በውኃ አልታጠበም፤ እግሩንም ከቶ አልታጠበም፤ በግድ ካልሆነ በቀር እግሩን በውኃ ውስጥ ማስገባትን እንኳ አልታገሠም። ከሞቱ በኋላ በተቀበረ ጊዜ ካልሆነ በቀር ማንም ልብሱን አውልቆ፣ ወይም ሰውነቱን ራቁቱን ከቶ አላየውም።