የእግዚአብሔር ቃል

መጽሐፍ ቅዱስን እንዴት እናንብብ

መጽሐፍ ቅዱስን ያለማቋረጥ ልታነብብ ትችላለህ፤ ሆኖም በመንፈስ ካልበራ በቀር ከእርሱ አንዳች ሳትማር ትቀራለህ፤ በመንፈስ ሲበራ ግን ቃላቱ እንደ ከዋክብት ያበራሉ። መጽሐፉ ከወርቅ ቅጠል የተሠራ ይመስላል፤ እያንዳንዱ ፊደል እንደ አልማዝ ያንጸባርቃል። ኦ! በመንፈስ ቅዱስ ብርሃን የበራ መጽሐፍ ቅዱስን ማንበብ የተባረከ ነገር ነው። መጽሐፍ ቅዱስን አንብበህ ዓይኖችህ ግን አልበሩምን? ሄደህ እንዲህ በል፦ «ጌታ ሆይ፣ አብራው፤ በላዩ ላይ አብራ፤ አንተ ካላበራኸኝ በቀር ለጥቅም ላነብበው አልችልምና።» ዕውሮች መጽሐፍ ቅዱስን በጣቶቻቸው ሊያነብቡ ይችላሉ፤ ዕውር ነፍሳት ግን አይችሉም። መጽሐፍ ቅዱስን የምናነብብበት ብርሃን ያስፈልገናል፤ በጨለማ ማንበብ አይቻልም።

የማይሳሳተው ማብራሪያ

የእግዚአብሔርን ቃል በተሻለ ሊያውቁ የሚወዱ በገዛ ብርሃኑ ሊያጠኑት ይገባቸዋል።

የልብ ትምህርት

የወንጌልን እውነቶች በልባችን ካልተሰማን በቀር ከወንጌል አንዳች ልንማር አንችልም። በአእምሮ ሊማሩ የሚችሉ አንዳንድ ዕውቀቶች አሉ፤ የተሰቀለውን ክርስቶስ የማወቅ ዕውቀት ግን በልብ ብቻ ይማራል።