እግዚአብሔር ሁሉን ያያል፤ ስለዚህ ከመተላለፍ እንራቅ

እንግዲህ ሁሉ [በእግዚአብሔር] የሚታይና የሚሰማ ስለ ሆነ እንፍራው፤ በምሕረቱም ከሚመጣው ፍርድ እንድንጠበቅ ከክፉ ምኞት የሚወጡትን ክፉ ሥራዎች እንተው። ከእኛ ማንም ከብርቱ እጁ ወዴት ሊሸሽ ይችላል? ወይስ ከእርሱ የሚኰበልለውን ማናቸውንም የትኛው ዓለም ይቀበለዋል? መጽሐፍ በአንድ ስፍራ እንዲህ ይላልና፦ «ወዴት እሄዳለሁ? ከፊትህስ ወዴት እሰወራለሁ? ወደ ሰማይ ብወጣ አንተ በዚያ አለህ፤ እስከ ምድር ዳርቻ እንኳ ብሄድ ቀኝ እጅህ በዚያ አለች፤ በጥልቁም ውስጥ መኝታዬን ባነጥፍ መንፈስህ በዚያ አለ።» እንግዲህ ማንም ወዴት ይሄዳል? ወይስ ሁሉን ከሚይዘው ከእርሱ ወዴት ያመልጣል?