Utangulizi

'Umngojee Mungu peke yake.'

'Ee nafsi yangu, umngojee Mungu peke yake. ' – Zaburi 62:5

'Mungu . . atendaye mambo kwa ajili yake amngojeaye.' –Isaya 64:4

'UMNGOJEE Mungu peke yake;' nafsi yangu, tulia,

Umwache Mungu wako ayafunue mapenzi yake makamilifu,

Wataka kumfuata yeye mwaka huu wote,

Wataka kuisikia sauti yake kwa moyo usikilizao,

Wataka kuwa chombo tulivu mkononi mwake

Kimilikiwacho na Mungu, kikitumwa daima na Roho

Katika utumishi wake mtamu—basi utulie

Kwa maana ni hivyo tu awezavyo kutimiza ndani yako

Shauku ya moyo wake. Ee, usiuzuie mkono wake

Katika kukiumba chombo alichokikusudia.

‘Mnyamalie Mungu,’ nawe utaujua

Utulivu mtakatifu, wa amani, awapao

Wale wamngojeao; ndipo utakapozichukua

Ahadi zake, na uzima wake na nuru yake hata pale

Usiku ulipo mweusi kupita yote, na siku zako za duniani

Zitauonyesha upendo wake, na kuzitangaza sifa zake tukufu

Naye atatenda kazi pasipo kizuizi, kwa uhuru,

Makusudi yake makuu na matakatifu kwa njia yako.

Kwanza mkono huo wa uweza lazima ukuelekee wewe,

Hata taka zako ziteketezwe katika moto mkali wa upendo wake,

Nawe utokee kuwa chombo kwa ajili ya Bwana wako,

Dhaifu na tupu; lakini, kwa kuwa ameumimina

Ndani ya utupu wako uzima wake, upendo wake,

Tangu sasa uweza wa Mungu utatenda kwa njia yako

Naye atatenda kazi kwa ajili yako. Simama kimya, ukaone

Ushindi ambao Mungu wako atakushindia;

Kwa ukimya, lakini kwa nguvu isiyozuilika,

Mungu wako atalitenda lile lisilowezekana.

Ee, tangu sasa usiulize wewe waweza kufanya nini;

Huwezi kufanya lolote. Lakini yeye ataikamilisha

Kazi ile ambapo nguvu za kibinadamu zilishindwa

Ambapo juhudi zako zote bora hazikukufaa

Kitu. Basi, nafsi yangu, ngoja, utulie;

Mungu wako atakutimizia mapenzi yake makamilifu.

Usipokubali kilicho pungufu, kilicho bora chake ndicho kitakuwa

Fungu lako sasa na hata milele.

FREDA HANBURY

DONDOO

KUTOKA

HOTUBA KATIKA EXETER HALL

31 Mei 1895

SIJASHANGAZWA na kitu chochote kuliko barua zilizonijia kutoka kwa wamisionari na watu wengine wa pande zote za dunia, wanaume na wanawake waliojitoa, wakishuhudia uhitaji wauonao katika kazi yao wa kusaidiwa kupata ufahamu wa ndani zaidi na ulio wazi zaidi wa yote ambayo Kristo aweza kuwa kwao. Na tumtazamie Mungu ajidhihirishe kati ya watu wake kwa kipimo ambacho ni wachache sana waliokiona. Na tutazamie mambo makuu kutoka kwa Mungu wetu. Katika mikutano yetu yote na makusanyiko yetu, muda mdogo mno hutolewa kwa kumngojea Mungu. Je, yeye hayuko radhi kuyatengeneza mambo kwa njia yake mwenyewe ya kimungu? Je, maisha ya watu wa Mungu yamekwisha kufikia kikomo cha mwisho cha yale ambayo Mungu yu radhi kuwatendea? Hakika sivyo. Twataka kumngojea yeye; kuyaweka kando mambo tuliyoyaonja, hata yamekuwa yenye baraka namna gani; fikira zetu juu ya kweli, hata tuonavyo kuwa ni sahihi na za kimaandiko; mipango yetu, hata ionekanavyo kuwa ya lazima na yenye kufaa; na kumpa Mungu wakati na nafasi atuonyeshe yale awezayo kutenda, yale atakayotenda. Mungu anayo maendeleo mapya na akiba mpya. Aweza kutenda mambo mapya, mambo yasiyosikiwa. Na tuipanue mioyo yetu wala tusimwekee mipaka. ‘Uliposhuka, ulitenda mambo ya kutisha tusiyoyatazamia; milima ikatiririka mbele zako.’

A. M.

YALIYOMO

SIKU . . . . . . . . . . . . . . . . . UKURASA

Dibaji. . . . . . . . . . . . . 13

KUMNGOJEA MUNGU:

1. Mungu wa Wokovu Wetu.—Zaburi 62:1. . . 17

2. Kiini cha Maisha.—Mwanzo 49:18. . . 21

3. Mahali pa Kweli pa Kiumbe.—Zaburi 104:27, 28. . . 25

4. Kwa Ajili ya Mahitaji.—Zaburi 145:14, 15. . . 29

5. Kwa Ajili ya Mafundisho.—Zaburi 25:4, 5. . . 33

6. Kwa Ajili ya Watakatifu Wote.—Zaburi 25:3. . . 37

7. Hoja katika Maombi.—Zaburi 25:21. . . 41

8. Hodari na Moyo wa Ushujaa.—Zaburi 27:14. . . 45

9. Kwa Moyo.—Zaburi 31:24. . . 49

10. Katika Hofu Nyenyekevu na Tumaini.—Zaburi 33:18-22. . . 54

11. Kwa Saburi.—Zaburi 37:7,9. . . . 59

12. Kuzishika Njia Zake.—Zaburi 37:34. . . 63

13. Kwa Zaidi ya Tujuavyo.—Zaburi 39:7, 8. . . 67

14. Njia ya Wimbo Mpya.—Zaburi 40:1-3. . . 71

15. Kwa Ajili ya Shauri Lake.—Zaburi 106:13. . . 75

16. Na Nuru Yake Moyoni.—Zaburi 130:5, 6. . . 79

17. Katika Nyakati za Giza—Isaya 8:17. . . 84

18. Ili Ajifunue Mwenyewe.—Isaya 25:9. . . 89

19. Kama Mungu wa Hukumu.—Isaya 26:8, 9. . . 93

20. Yeye Atungojeaye Sisi.—Isaya 30:18. . . 97

21. Mungu Mwenyezi.—Isaya 40:31. . . 101

22. Uhakika Wake wa Baraka.—Isaya 49:23. . . 105

23. Kwa Ajili ya Mambo Yasiyotazamiwa.—Isaya 64:4. . . 110

24. Ili Kuujua Wema Wake.—Maombolezo 3:25. . . 114

25. Kwa Utulivu.—Maombolezo 3:26. . . 118

26. Katika Taraja Takatifu.—Mika 7:7. . . 133

27. Kwa Ajili ya Ukombozi.—Luka 2:25,38. . . 126

28. Kwa Ajili ya Kuja kwa Mwanawe.—Luka 12:36. . . 130

29. Kwa Ajili ya Ahadi ya Baba.—Matendo 1:4. . . 135

30. Daima.—Hosea 12:6. . . 140

31. Peke Yake.—Zaburi 62:5, 6. . . 145

Maelezo: The Power of the Holy Spirit. Na W. Law. . . .