Essuula 7 · eddakiika 1 ez’okusoma · eddakiika 1 ez’okuwuliriza
Okwegomba Okutafugibwa
OMUNTU bw’ayagala ennyo ekintu, amangu ago abulwa emirembe. Omuntu ow’amalala era ow’omululu tawummula n’akatono, naye oyo omwavu era omuwombeefu mu mutima abeera mu mirembe mingi. Omuntu atannatta kwegomba kwe akemebwa mangu era awangulwa mu bibi ebitono ebitaliiko makulu; omwoyo gwe gunafu, mu ngeri emu gwa mubiri era gwekubira ku binyumira omubiri; tasobola kwewala kwegomba kw’ensi okujjako ng’afubye nnyo. N’olwekyo kimunakuwaza okubireka; anyiiga mangu bw’anenyezebwa. Naye bw’atuukiriza okwegomba kwe, omuntu we ow’omunda amulumiriza nnyo, kubanga yagoberera okwegomba kwe ne kutamutuusa ku mirembe gye yali anoonya.
Kale emirembe egy’amazima egy’omutima gisangibwa mu kuziyiza okwegomba, so si mu kukutuukiriza. Tewali mirembe mu muntu ow’omubiri, mu muntu eyeemalidde ku bisikiriza ebitaliimu, naye waliwo emirembe mu muntu omunyiikivu era ow’omwoyo.