መግቢያ

«እግዚአብሔርን ብቻ ጠብቂ።»

«ነፍሴ ሆይ፥ እግዚአብሔርን ብቻ ጠብቂ!» – መዝሙር 62:5

«. . . ለሚጠብቀው የሚሠራ አምላክ።» –ኢሳይያስ 64:4 (የተሻሻለው ትርጉም)

«እግዚአብሔርን ብቻ ጠብቂ፤» ነፍሴ ሆይ፥ ጸጥ በዪ፤

አምላክሽም ፍጹም ፈቃዱን ይግለጥልሽ፤

በዚህ ዓመት ሁሉ ልትከተዪው ትናፍቂያለሽ፤

በሚያደምጥ ልብ ድምፁን ልትሰሚ ትናፍቂያለሽ፤

ራሷን የማትመራ መሣሪያ ልትሆኚ ትናፍቂያለሽ፥

በእግዚአብሔር የተያዘች፥ ዘወትርም በመንፈስ ተልካ

ወደ ጣፋጩ አገልግሎቱ የምትሄድ፤ እንግዲያስ ጸጥ በዪ፤

በዚህ ብቻ ነውና በአንቺ የሚፈጽመው

የልቡን ምኞት። ኧረ እጁን አታሰናክዪ፥

ያሰበውን ዕቃ ከመቅረጽ አትከልክዪው።

«ለእግዚአብሔር ዝም በዪ፤» ታውቂያለሽም

እርሱ የሚሰጠውን ጸጥ ያለ ቅዱስ ዕረፍት

ለሚጠባበቁት፤ እንዲሁም ትሸከሚያለሽ

ተስፋዎቹን፥ ሕይወቱንና ብርሃኑንም፥

ሌሊቱ እጅግ በጨለመበት ስፍራ እንኳ፤ የምድር ዘመንሽም

ፍቅሩን ያሳያል፥ የክብሩንም ምስጋና ያሰማል፤

እርሱም ያለ ማሰሪያ በነጻነት ይሠራል

ከፍ ያለውንና ቅዱሱን ዓላማውን በአንቺ በኩል።

አስቀድሞ ግን ያ የኃይል እጅ ወደ አንቺ ይመለስ፥

በብርቱው የፍቅሩ እሳት ጉድፍሽ እስኪቃጠል ድረስ፥

ለጌታሽም ዕቃ ሆነሽ እስክትወጪ ድረስ፤

እጅግ ደካማና ባዶ ብትሆኚም፥ እርሱ ግን

ወደ ባዶነትሽ ሕይወቱን፥ ፍቅሩን ስላፈሰሰ፥

ከእንግዲህ የእግዚአብሔር ኃይል በአንቺ በኩል ይንቀሳቀሳል፤

እርሱም ስለ አንቺ ይሠራል። ቁሚና እዪ

አምላክሽ ለአንቺ የሚቀዳጀውን ድል፤

እጅግ ጸጥ ያለ፥ ነገር ግን የማይቋቋሙት፥

አምላክሽ የማይቻለውን ነገር ያደርጋል።

ኧረ ከእንግዲህ ምን ማድረግ እንደምትችዪ አትጠይቂ፤

አንቺ ምንም ማድረግ አትችዪም። እርሱ ግን ይፈጽማል

የሰው ጉልበት ያቃተውን ሥራ፥

ምርጡ ጥረትሽ ሁሉ ምንም

ያልጠቀመሽን። እንግዲያስ ነፍሴ ሆይ፥ ጠብቂ፥ ጸጥም በዪ፤

አምላክሽ ፍጹም ፈቃዱን ለአንቺ ይሠራል።

ከዚህ ያነሰውን ካልተቀበልሽ፥ የእርሱ ምርጥ ስጦታ

አሁንም ለዘላለምም ዕድል ፈንታሽ ይሆናል።

ፍሬዳ ሀንበሪ

ቅንጭብ ጽሑፍ

ምንጭ፦

በኤክሰተር አዳራሽ የቀረበ ንግግር

ሜይ 31 ቀን 1895

ከዓለም ዙሪያ ሁሉ ከሚስዮናውያንና ከሌሎችም፥ ራሳቸውን ለአገልግሎት ከሰጡ ወንዶችና ሴቶች የደረሱኝን ደብዳቤዎች ያህል ያስደነቀኝ ነገር የለም፤ ክርስቶስ ለእነርሱ ሊሆንላቸው የሚችለውን ሁሉ ይበልጥ በጥልቀትና በግልጽ እንዲያስተውሉ እንዲረዱ በሥራቸው ውስጥ የሚሰማቸውን ፍላጎት ይመሰክራሉ። እግዚአብሔር በሕዝቡ መካከል ጥቂቶች ብቻ በተረዱት መጠን ራሱን እንዲገልጥ ወደ እርሱ እንመልከት። ከአምላካችን ታላላቅ ነገሮችን እንጠብቅ። በጉባኤዎቻችንና በስብሰባዎቻችን ሁሉ እግዚአብሔርን ለመጠበቅ የሚሰጠው ጊዜ እጅግ ጥቂት ነው። እርሱ በራሱ መለኮታዊ መንገድ ነገሮችን ለማቅናት ፈቃደኛ አይደለምን? የእግዚአብሔር ሕዝብ ሕይወት እግዚአብሔር ሊያደርግላቸው ፈቃደኛ ከሆነው ነገር የመጨረሻውን ወሰን ደርሷልን? በፍጹም አልደረሰም። እርሱን መጠበቅ ያስፈልገናል፤ ልምምዶቻችንን፥ ምንም ያህል የተባረኩ ቢሆኑም፥ ስለ እውነት ያለንን ግንዛቤ፥ ምንም ያህል ትክክለኛና መጽሐፍ ቅዱሳዊ መስሎ ቢታየንም፥ ዕቅዶቻችንንም፥ ምንም ያህል አስፈላጊና ተገቢ ቢመስሉም፥ ወደ ጎን ልናደርግ፥ እግዚአብሔርም ምን ማድረግ እንደሚችል፥ ምንስ እንደሚያደርግ ያሳየን ዘንድ ጊዜና ስፍራ ልንሰጠው ይገባል። እግዚአብሔር አዲስ እድገቶችና አዲስ ሀብቶች አሉት። አዲስ ነገሮችን፥ ተሰምተው የማያውቁ ነገሮችን ማድረግ ይችላል። ልባችንን እናስፋ፥ እርሱንም አንወስነው። «ያልጠበቅነውን የሚያስፈራ ነገር ባደረግህ ጊዜ ወረድህ፤ ተራሮችም በፊትህ ቀለጡ።»

አ. መ.

ማውጫ

ቀን . . . . . . . . . . . . . . . . . ገጽ

መቅድም . . . . . . . . . . . . . 13

እግዚአብሔርን መጠበቅ፦

1. የመዳናችን አምላክ።—መዝሙር 62:1. . . 17

2. የሕይወት ዋና ዜማ።—ዘፍጥረት 49:18. . . 21

3. የፍጡር እውነተኛ ስፍራ።—መዝሙር 104:27, 28. . . 25

4. ለሚያስፈልገን ሁሉ።—መዝሙር 145:14, 15. . . 29

5. ለትምህርት።—መዝሙር 25:4, 5. . . 33

6. ለቅዱሳን ሁሉ።—መዝሙር 25:3. . . 37

7. በጸሎት የሚቀርብ ልመና።—መዝሙር 25:21. . . 41

8. በርትቶና ደፍሮ።—መዝሙር 27:14. . . 45

9. በልብ።—መዝሙር 31:24. . . 49

10. በትሑት ፍርሃትና በተስፋ።—መዝሙር 33:18-22. . . 54

11. በትዕግሥት።—መዝሙር 37:7,9. . . . 59

12. መንገዱን በመጠበቅ።—መዝሙር 37:34. . . 63

13. ከምናውቀው በላይ ለሆነው።—መዝሙር 39:7, 8. . . 67

14. ወደ አዲስ ዝማሬ የሚወስደው መንገድ።—መዝሙር 40:1-3. . . 71

15. ለምክሩ።—መዝሙር 106:13. . . 75

16. በልብ ውስጥ ለብርሃኑ።—መዝሙር 130:5, 6. . . 79

17. በጨለማ ዘመን—ኢሳይያስ 8:17. . . 84

18. ራሱን እንዲገልጥ።—ኢሳይያስ 25:9. . . 89

19. የፍርድ አምላክ እንደ መሆኑ።—ኢሳይያስ 26:8, 9. . . 93

20. እኛን የሚጠብቀን አምላክ።—ኢሳይያስ 30:18. . . 97

21. ሁሉን ቻዩ አምላክ።—ኢሳይያስ 40:31. . . 101

22. የበረከቱ እርግጠኝነት።—ኢሳይያስ 49:23. . . 105

23. ላልተጠበቁ ነገሮች።—ኢሳይያስ 64:4. . . 110

24. ቸርነቱን ለማወቅ።—ሰቆቃው ኤርምያስ 3:25. . . 114

25. በጸጥታ።—ሰቆቃው ኤርምያስ 3:26. . . 118

26. በቅዱስ ጉጉት።—ሚክያስ 7:7. . . 133

27. ለቤዛነት።—ሉቃስ 2:25,38. . . 126

28. ለልጁ መምጣት።—ሉቃስ 12:36. . . 130

29. ለአብ የተስፋ ቃል።—የሐዋርያት ሥራ 1:4. . . 135

30. ዘወትር።—ሆሴዕ 12:6. . . 140

31. ብቻ።—መዝሙር 62:5, 6. . . 145

ማስታወሻ፦ የመንፈስ ቅዱስ ኃይል። በደብሊው ሎው። . . .