ምዕራፍ 10 · 1 ደቂቃ ንባብ · 1 ደቂቃ ማዳመጥ
ክፍል 2 – ትምህርተ ሃይማኖትን በግል የማስተማርና መንጋውን አንድ በአንድ የማስተማር ግዴታ በተለይ ሲመከር
ስሕተቶቻችንንና ቸልተኝነታችንን ገልጠን ካለቀስንባቸው በኋላ፣ ለወደፊቱ ያለብን ተግባር በግልጽ በፊታችን ተቀምጧል። የተናዘዝናቸውን ኃጢአቶች እንደ ቀድሞው በግድየለሽነት መሥራታችንን እንቀጥል ዘንድ እግዚአብሔር አይፍቀድ። ስለዚህ እነዚህን ትቼ፣ የተቀበላችሁትን ታላቅ ተግባር፣ ማለትም በደብራችሁ ወይም በጉባኤያችሁ ውስጥ ለዚህ ፈቃደኛ የሆነውን እያንዳንዱን ሰው ትምህርተ ሃይማኖትን በግል ማስተማርንና ማሠልጠንን፣ በታማኝነት እንድትፈጽሙ ወደ መምከር አሁን እሄዳለሁ።
በመጀመሪያ፣ ለዚህ ተግባር እንድትነሣሡ የሚያግባቡአችሁን አንዳንድ ምክንያቶች አቀርብላችኋለሁ።
ሁለተኛ፣ በዚህ ተግባር ላይ ሊነሡ የሚችሉትን አንዳንድ ተቃውሞዎች እመልሳለሁ። በመጨረሻም፣ ይህን ተግባር ለመፈጸም የሚረዱ አንዳንድ መመሪያዎችን እሰጣችኋለሁ።