በእምነትና በጸሎት ስለ ተፈወሰው ስለ ፍሮንቶ

57. ስለዚህ ፍሮንቶ የተባለ፣ የቤተ መንግሥት ባለ ሥልጣን የሆነና አስከፊ በሽታ የነበረበት አንድ ሰው — የገዛ ምላሱን ይነክስ ነበርና፣ ዓይኖቹም ሊጎዱ በአደጋ ላይ ነበሩ — ወደ ተራራው መጥቶ አባ እንጦንስን እንዲጸልይለት ለመነው። አባ እንጦንስ ግን፦ «ሂድ፤ ትፈወሳለህም» አለው። እርሱ ግን ችክ ብሎ ብዙ ቀን በዚያው በቀረ ጊዜ አባ እንጦንስ ታግሦ እንዲህ አለው፦ «በዚህ ብትቈይ ልትፈወስ አትችልም። ሂድ፤ ግብፅም ከደረስህ በኋላ በአንተ ላይ የተደረገውን ምልክት ታያለህ።» እርሱም አምኖ ሄደ። ግብፅንም ገና እንዳየ ሥቃዩ ቆመ፤ ሰውዬውም መድኃኒታችን በጸሎት በገለጠለት በአባ እንጦንስ ቃል መሠረት ሙሉ ጤነኛ ሆነ።