መቅድም

የዚህ ሥራ ብዙው ክፍል የተጻፈው ነገሮቹ በእርግጥ ከተፈጸሙ ከብዙ ዓመታት በኋላ ነው፤ ትዝታዬም የብዙዎቹን ሁኔታዎች ትክክለኛ ጊዜ በትክክል ሊያመለክት አልቻለም። ቢሆንም (የማስታውሰውን ያህል) ተመልክተዋል፤ አንዳንዶቹ ያለ ቀንና ያለ ዘመን ቀርበዋል። ከእውነት እስካልወጡ ድረስ፣ ይህ ብዙም ጉዳት እንደማይኖረው እገምታለሁ።

በዚህ ሕይወት የደረሱብኝን ፈተናዎችና መከራዎች፣ ያካሄድኋቸውን ብዙ ስብሰባዎች፣ ለጠፋው ለአዳም ዘር የጌታችንንና የመድኃኒታችንን የኢየሱስ ክርስቶስን ወንጌል እየሰበክሁ ወዲያና ወዲህ በተጓዝሁባቸው ጊዜያት የሆኑትን ልዩ ልዩ ነገሮች እኩሌታውን እንኳ ማስታወስ ብችል ኖሮ፣ ይህችን ትንሽ መጽሐፍ ከምፈልገው እጅግ በላይ ባሰፏት ነበር፤ ምናልባትም በእጃቸው የምትገባላቸውን ሰዎች ባሰለቹ ነበር። ብዙ ወዳጆቼም ስለ ሕይወቴና ስለ ሥራዬ አጭር ዝርዝር እንድተው አጥብቀው ስለ ለመኑኝ፣ (እኔ ሞቼ በመቃብር ካለሁ በኋላ) የሕይወቴን አጀማመር ለማወቅ ለሚሹ ሰዎች ይጠቅማቸው ዘንድ፣ እንዲያነቡት ይህን አጭር ታሪክ ትቼላቸው ማለፍ ተገቢ ሆኖ አገኘሁት።

ሪቻርድ አለን።