የአሁኑ መለያየታችሁ በጳውሎስ ዘመን ከነበረው የከፋ ነው

የብፁዕ ሐዋርያ የጳውሎስን መልእክት አንሡ። ወንጌል መጀመሪያ መሰበክ በጀመረበት ጊዜ ምን ጻፈላችሁ? በእውነት በመንፈስ ምሪት ስለ ራሱ፥ ስለ ኬፋና ስለ አጵሎስ ጻፈላችሁ፤ ያን ጊዜም እንኳ በመካከላችሁ ወገኖች ተፈጥረው ነበርና። ነገር ግን ያ አንዱን ከሌላው ማስበለጥ ያመጣባችሁ በደል ያነሰ ነበር፤ ያን ጊዜ አድልዎአችሁ አስቀድመው ታላቅ ስም ወዳላቸው ሐዋርያትና እነርሱ ወደ ተቀበሉት ሰው ነበርና። አሁን ግን ያጣመሙአችሁና በሩቅ የታወቀውን የወንድማማች ፍቅራችሁን ዝና ያጐደሉት እነማን እንደ ሆኑ አስቡ። ወዳጆች ሆይ፥ እጅግ የጸናችውና ጥንታዊቱ የቆሮንቶስ ሰዎች ቤተ ክርስቲያን በአንድ ወይም በሁለት ሰዎች ምክንያት በሽማግሌዎችዋ ላይ ዓመፅ አነሣች የሚል ወሬ መሰማቱ አሳፋሪ ነው፤ አዎን፥ እጅግ አሳፋሪ ነው፤ ለክርስቲያናዊ መታመናችሁም የማይገባ ነው። ይህም ወሬ ወደ እኛ ብቻ ሳይሆን ከእኛ ጋር ግንኙነት ወደሌላቸውም ደርሶአል፤ ስለዚህም ከስንፍናችሁ የተነሣ የጌታ ስም ይሰደባል፤ በራሳችሁም ላይ ደግሞ አደጋ ይመጣል።