በክርክሩ የተሳተፉ ኃጢአታቸውን ይናዘዙ

እንግዲህ በጠላት [ምክር] የተነሣ የፈጸምነውን በደል ሁሉ ይቅር እንዲለን እንለምን። የዓመፅና የአለመስማማት መሪዎች የሆኑትም የጋራውን ተስፋ ሊያከብሩ ይገባቸዋል። በፍርሃትና በፍቅር የሚኖሩ ባልንጀሮቻቸው ሳይሆኑ ራሳቸው መከራ ቢቀበሉ ይመርጣሉና። በመልካምና በቅንነት ለእኛ የተላለፈልን ስምምነት ከሚጐዳ ይልቅ ራሳቸው ነቀፋን መሸከም ይመርጣሉ። በእግዚአብሔር ባሪያ በሙሴ ላይ ዓመፅ ያስነሡትና ፍርዳቸው [ለሁሉ] የተገለጠው ሰዎች ልባቸው እንደ ደነደነ፥ ልቡን ከሚያደነድን ይልቅ ሰው በደሉን ቢናዘዝ ይሻላልና። እነርሱ በሕይወታቸው ሳሉ ወደ ሲኦል ወረዱ፥ ሞትም ዋጣቸው። ፈርዖንም ከሠራዊቱና ከግብፅ አለቆች ሁሉ ጋር፥ ሰረገሎችም ከፈረሰኞቻቸው ጋር በቀይ ባሕር ጥልቅ ውስጥ ሰጥመው ጠፉ፤ ይህም በግብፅ ምድር በእግዚአብሔር ባሪያ በሙሴ እጅ ያን ያህል ብዙ ምልክትና ድንቅ ከተደረገ በኋላ የማያስተውለው ልባቸው ስለ ደነደነ ብቻ ነው።