የፍቅር ምስጋና

በክርስቶስ ፍቅር ያለው የክርስቶስን ትእዛዛት ይጠብቅ። የእግዚአብሔርን ፍቅር [ብፁዕ] ማሰሪያ ማን ሊገልጥ ይችላል? የውበቱን ታላቅነት እንደሚገባ ሊናገር የሚችል ሰው ማን ነው? ፍቅር ከፍ የሚያደርግበት ከፍታ ሊነገር የማይቻል ነው። ፍቅር ከእግዚአብሔር ጋር አንድ ያደርገናል። ፍቅር የኃጢአትን ብዛት ይሸፍናል። ፍቅር ሁሉን ይታገሣል፤ በሁሉ ነገር ትዕግሥተኛ ነው። በፍቅር ምንም ነውር፥ ምንም ትዕቢት የለም። ፍቅር መለያየትን አያውቅም፤ ፍቅር ዓመፅን አያስነሣም፤ ፍቅር ሁሉን በስምምነት ያደርጋል። የእግዚአብሔር ምርጦች ሁሉ በፍቅር ፍጹማን ሆኑ፤ ያለ ፍቅር ምንም ነገር እግዚአብሔርን ደስ አያሰኝም። ጌታ በፍቅር ወደ ራሱ ተቀበለን። ጌታችን ኢየሱስ ክርስቶስ ስለ ወደደን ፍቅር በእግዚአብሔር ፈቃድ ደሙን ስለ እኛ ሰጠ፤ ሥጋውን ስለ ሥጋችን፥ ነፍሱንም ስለ ነፍሳችን።