የሐዋርያት ሥርዓት

ሐዋርያቶቻችንም ደግሞ በጌታችን በኢየሱስ ክርስቶስ በኩል ስለ ኤጲስ ቆጶስነት ሹመት ክርክር እንደሚነሣ ያውቁ ነበር። ስለዚህ ይህን ፈጽመው አስቀድመው ስላወቁ ቀደም ብለን የጠቀስናቸውን [አገልጋዮች] ሾሙ፤ ከዚያም በኋላ እነዚህ ባንቀላፉ ጊዜ ሌሎች የተፈተኑ ሰዎች በአገልግሎታቸው እንዲተኩአቸው መመሪያ ሰጡ። ስለዚህ በእነርሱ ወይም ከዚያ በኋላ በሌሎች የከበሩ ሰዎች፥ በመላዋ ቤተ ክርስቲያን ፈቃድ የተሾሙትን፥ የክርስቶስንም መንጋ በትሕትና፥ በሰላምና የራስን ጥቅም ሳይፈልጉ ያለ ነቀፋ ያገለገሉትን፥ ለብዙ ጊዜም በሁሉ ዘንድ መልካም ምስክርነት ያገኙትን ከአገልግሎታቸው ማስወገድ ትክክል አይደለም ብለን እናምናለን። የኤጲስ ቆጶስነትን ሥራ ያለ ነቀፋና በቅድስና የፈጸሙትን ከዚያ ሹመት ብናስወጣ ኃጢአታችን ትንሽ አይሆንምና። ከዚህ ቀደም ሩጫቸውን ፈጽመው ፍሬያማና ፍጹም የሆነ [ከዚህ ዓለም] መለየትን ያገኙ ሽማግሌዎች ብፁዓን ናቸው፤ አሁን ከተመደበላቸው ስፍራ ማንም ያፈናቅለናል ብለው አይፈሩምና። እናንተ ግን መልካም ኑሮ የነበራቸውን አንዳንድ ሰዎች ያለ ነቀፋና በክብር ከፈጸሙት አገልግሎት እንዳስወገዳችኋቸው እናያለን።