እግዚአብሔር የሠራውን ሥርዓት በቤተ ክርስቲያን እንጠብቅ

እንግዲህ እነዚህ ነገሮች ግልጽ ሆነውልን፣ ወደ መለኮታዊው እውቀት ጥልቀት ስለምንመለከት፣ ጌታ በተወሰኑ ጊዜያት እንድንፈጽም ያዘዘንን ሁሉ በ[ተገቢው] ሥርዓት ልናደርግ ይገባናል። መባ [እንዲቀርብ] አገልግሎትም [ለእርሱ] እንዲፈጸም አዝዞአል፤ ይህም በግዴለሽነት ወይም ያለ ሥርዓት ሳይሆን በተወሰኑት ጊዜያትና ሰዓታት ነው። እነዚህ ነገሮች የትና በማን እንዲደረጉ እንደሚፈልግ፣ ሁሉ በቅድስና እንደ በጎ ፈቃዱ ተደርጎ በእርሱ ዘንድ የተወደደ እንዲሆን፣ እርሱ ራሱ በላዕላይ ፈቃዱ ወስኖአል። ስለዚህ መባቸውን በተወሰኑት ጊዜያት የሚያቀርቡ የተወደዱና የተባረኩ ናቸው፤ የጌታን ሕግጋት ስለሚከተሉ አይበድሉምና። ለሊቀ ካህናቱ የራሱ የሆኑ አገልግሎቶች ተሰጥተውታልና፤ ለካህናቱም የራሳቸው ተገቢ ስፍራ ተወስኖላቸዋል፤ በሌዋውያንም ላይ የራሳቸው ልዩ አገልግሎቶች ተጥለዋል። ምእመኑም ሰው ለምእመናን በሚገቡት ሕግጋት የታሰረ ነው።