የቤተ ክርስቲያን አባላት እርስ በርሳቸው ይገዙ

እንግዲህ ሰውነታችን ሁሉ በክርስቶስ ኢየሱስ ይጠበቅ፤ እያንዳንዱም እንደ ተሰጠው ልዩ ስጦታ ለባልንጀራው ይገዛ። ብርቱው ደካማውን አይናቅ፤ ደካማውም ለብርቱው አክብሮትን ያሳይ። ባለ ጠጋው የድሀውን ጕድለት ይሙላ፤ ድሀውም ጕድለቱ የሚሞላበትን ሰው ስለ ሰጠው እግዚአብሔርን ይባርክ። ጠቢቡ ጥበቡን በ[ቃል ብቻ] ሳይሆን በመልካም ሥራ ይግለጥ። ትሑቱ ስለ ራሱ አይመስክር፤ ነገር ግን ሌላው እንዲመሰክርለት ይተው። በሥጋው ንጹሕ የሆነ፣ የመታቀብን ስጦታ የሰጠው ሌላ እንደ ሆነ እያወቀ፣ በዚህ አይታበይ፥ አይመካም። እንግዲህ ወንድሞች ሆይ፥ ከምን ዓይነት ነገር እንደ ተሠራን፣ ከመቃብር እንደሚወጣ ሆነን ከድቅድቅ ጨለማም ውስጥ ማንና ምን ዓይነት ፍጥረታት ሆነን ወደ ዓለም እንደ መጣን እናስብ። የሠራንና ያበጀን እርሱ ከመወለዳችን በፊት የቸርነት ስጦታዎቹን አዘጋጅቶልን ወደ ዓለሙ አገባን። እንግዲህ ይህን ሁሉ ከእርሱ ስለምንቀበል ስለ ሁሉ ልናመሰግነው ይገባናል፤ ለእርሱ ከዘላለም እስከ ዘላለም ክብር ይሁን። አሜን።