የትንሣኤያችን ምሳሌ የሆነው ፊኒክስ

በምሥራቅ አገሮች፣ ማለትም በዓረብና በዙሪያዋ ባሉት አገሮች፣ የሚሆነውን ያንን ድንቅ [የትንሣኤ] ምልክት እናስብ። ፊኒክስ የሚባል አንድ ወፍ አለ። ይህ ወፍ በዓይነቱ ብቸኛ ነው፤ አምስት መቶ ዓመትም ይኖራል። የሚሞትበት የመፍረሻው ጊዜ በቀረበ ጊዜ ከዕጣን፣ ከከርቤና ከሌሎችም ሽቱዎች ለራሱ ጎጆ ይሠራል፤ ጊዜውም ሲፈጸም ወደ እርሱ ገብቶ ይሞታል። ሥጋው ሲበሰብስ ግን አንድ ዓይነት ትል ይገኛል፤ እርሱም በሞተው ወፍ ፈሳሽ ተመግቦ ላባ ያወጣል። ከዚያም በበረታ ጊዜ የወላጁ አጥንቶች ያሉበትን ያንን ጎጆ አንሥቶ ተሸክሞ ከዓረብ ምድር ወደ ግብፅ፣ ሄልዮፖሊስ ወደምትባለው ከተማ ይሄዳል። በጠራራ ቀንም በሰዎች ሁሉ ፊት እየበረረ በፀሐይ መሠዊያ ላይ ያኖራቸዋል፤ ይህንም ካደረገ በኋላ ወደ ቀድሞ መኖሪያው ፈጥኖ ይመለሳል። ካህናቱም የዘመናትን መዝገብ ይመረምራሉ፤ አምስት መቶኛው ዓመት ልክ ሲፈጸም እንደ ተመለሰም ያገኛሉ።