ሰላምን ከሚከተሉት ጋር ልንተባበር ይገባናል

እንግዲህ ሰላምን በግብዝነት እንሻለን ከሚሉት ጋር ሳይሆን ሰላምን እግዚአብሔርን በመምሰል ከሚከተሉት ጋር እንተባበር። [መጽሐፍ] በአንድ ስፍራ እንዲህ ይላልና፦ «ይህ ሕዝብ በከንፈሩ ያከብረኛል፥ ልቡ ግን ከእኔ በጣም የራቀ ነው።» ደግሞም፦ «በአፋቸው ይባርካሉ፥ በልባቸው ግን ይረግማሉ።» ደግሞም እንዲህ ይላል፦ «በአፋቸው ወደዱት፥ በምላሳቸውም ዋሹት፤ ልባቸው ግን ከእርሱ ጋር የቀና አልነበረም፥ በቃል ኪዳኑም አልታመኑም።» «ተንኰለኞች ከንፈሮች ዲዳ ይሁኑ»፤ [ደግሞም «ጌታ የሚዋሹትን ከንፈሮች ሁሉ ያጥፋ፤] ታላቅ ነገርንም የምትናገረውን ምላስ፥ እነዚያን፦ ምላሳችንን እናበዛለን፤ ከንፈሮቻችን የእኛ ናቸው፤ በእኛ ላይ ጌታ ማን ነው? ያሉትን። ስለ ድሆች መከራና ስለ ችግረኞች ጩኸት አሁን እነሣለሁ፥ ይላል ጌታ፤ በሰላም አኖረዋለሁ፤ በእርሱም በድፍረት እሠራለሁ።»