Obuweereza mu Brazil

Mu biseera eby'omusenyu ogw'omu 1997, nakola olugendo lwange olwokubiri okugenda e Fortaleza, ekibuga ekirungi eky'oku lubalama lw'ennyanja mu Ceara mu bukiikakkono-buvanjuba bwa Brazil. Nga bwe kyali edda, luno lwali lugendo lwa mwezi gumu era omulundi guno nnali n'Anne. Ku lugendo lwange olwasooka nnali nfunye emikwano mingi, kyennava nsanyuka okubannyanulira era n'okuddamu okuloza ku byokunywa eby'ebibala ebibisi n'ekyokunywa kyange kye njagala ennyo, Guarana. Nnalina obuweereza bungi, wamu ne YWAM ne mu kkanisa ez'omu kitundu. Twasula ku base ya YWAM, ewatali wala n'ekibuga, naye twasobola okutambula okugenda mu bifo bingi olw'obuweereza, okugula ebintu, ku mabbali g'ennyanja, n'ebirala.

Emikwano gyange gyabuna Anne n'okwagala, era mangu ago yawulira ng'ali ewaabwe, wadde nga si bonna abaasobola okwogera Olungereza, era mazima ddala ye teyasobola kwogera Lupotugiisi. Nze n'awo nnalina Olusipeyini kwe nnyinza okwesigama kubanga bangi baasobola okutegeera Olusipeyini bwe baba nga tebategeera Lungereza.

Twaddayo e Canada nga tuyita e Rio olw'abafumbo abato be nnamanya ku lugendo lwange olwasooka, mu kiseera lwe nnali mfumbiddwa ne nsengukira eyo. Claudia ne JudeClair baali bakolera mu favella – ekitundu ky'ekibuga ekijjudde ennyo eky'obwavu – kyetwava tusula nabo ennaku bbiri. Batutwala mu nkuba ey'amaanyi, mu nnyumba ey'ebisenge bibiri wakati mu lusozi omwali favella.

Eyo twali ne bulago ku ttaka era ne batulabula nti bwe twandiwulidde okuvuga kw'emmundu oba okuleekaana ekiro, TETWANDIGOLOKOSE kutunula bweru kubanga kirabika ffe twandibadde abanaddirira okuttibwa emmundu! Oluvannyuma ne batulaga ekifaananyi ekyakubibwa ekiro ekyayita eky'omulambo ogwali gukanyuguddwa okuva waggulu, ne gugwa ku mulyango gwabwe. Ekitundu kino kyali kijjudde ebibinja by'abamenyi b'amateeka n'abasuubuzi abakulu b'ebiragalalagala.

Ku makya ag'oluvannyuma, nabuuza JudeClair oba nnyinza okulinnya ku ntikko y'olusozi ndyoke nkube ekifaananyi ky'olusozi olw'okumpi omwayimirizibwa ekifaananyi ekyatiikirira Christo Rey (Kristo Kabaka). “Olina akakalu akakulaga?” yambuuza n'oluvannyuma, bwe yaddira akakalu kange aka Canada ke nnamuwa, n'afuluma ku mulyango, emikono gyombi ng'agiyimusa waggulu w'omutwe gwe, ng'awanika obukalu bwe n'obwange. “Wano, basooka kulasa n'oluvannyuma ne babuuza ebibuuzo” ago ge yayogera mu ngeri ey'ekyama.

Bwe nnatuuka ku ntikko y'olusozi nnasanga base endala eya YWAM eyalabiriranga abaana b'omu favella. Yali kumpi n'akabuga akatono ak'omupiira ak'omuyanja ogw'amayinja nga ka mita nga 50 ku mita 30, nga keetooloddwa olukomera olw'emiguwa gy'ebyuma. Ku ludda olumu waaliwo, kye nnalowooza nti bwe byabanga ebisenge eby'okwambaliramu, ebyazimbibwa n'amatoffaali ag'amayinja. Kati byali bigudde era nga tebikyagasa. JudeClair yaŋŋamba nti oluberyeberye, abasajja abamu ab'omu favella baali bazannya wano ne wajja ekibinja ky'abapoliisi nga balinnye olusozi mu kkubo eddala, ne balabika mangu ku ntikko ne batandika okulasa, ne batta abasajja bonna. ‘Ensonga’ yaabwe yali nti abasajja bano mwe mwali n'abamu abaali bamanyiddwa nga abamenyi b'amateeka n'abasuubuzi b'ebiragalalagala!

Twasiima nnyo omulimu abavubuka bano gwe bakolera Mukama mu bifo eby'akabi ennyo. Obukulembeze bwa YWAM obw'ensi yonna bwali bwa kukuŋŋaanira mu mwaka ogwaddirira mu Brazil kubanga pulezidenti waabwe ow'omu kiseera ekyo yali muminsani Omubrazil. Base ya Tony ey'e Fortaleza yalondebwa base zonna endala ez'e Brazil okuba ekifo eky'okukuŋŋaaniramu abakulembeze ba YWAM okuva wonna mu nsi, kyeyava atandika n'essanyu okuteekateeka omukolo guno. Yasalawo okuyita abasumba bonna ab'omu kitundu okukuŋŋaana okwogera ku kusoboka okusibako olukuŋŋaana lw'obuminsani nga lugenderera n'okujja kw'abaminsani ba YWAM mu kibuga kyabwe, era yasuubira okubasembeza ku base – eyayinza okusembeza abantu nga kikumi mu kkanisa yaayo entono – okutuusa woteeri ow'omu kitundu (owa emmunyeenye ttaano) lwe yeewaayo okugabula eky'emisana ku muwendo omwangu.

Lowooza okwewuunya n'essanyu lyaffe bwe waajja abasajja abasukka mu 250 ne bakkiriza n'obunyiikivu ekirowoozo kya Tony eky'okusibako, si lukuŋŋaana lwa buminsani lwokka, naye n'akaweefube k'okubuulira Enjiri mu kibuga kyonna. Bwe gwali gutyo omukisa omuvubuka ono gwe yalina eri abakulembeze b'ekkanisa ab'omu kitundu!

Olwokubanga Tony yali wa kubeera n'emirimu mingi egyetaagisa okukola emikolo gino gyombi, awamu n'okutegeka olukuŋŋaana lw'abakulembeze ba YWAM ab'ensi yonna, yaanjula nti nzireyo mu mwaka ogwaddirira, okumala emyezi esatu, okulabirira abakozi ba YWAM bonna nga bategeka enkuŋŋaana.

Nze ne Anne twakkiriza okuddayo era bwe kityo mu biseera eby'omusenyu ogw'omu 1998 twaddayo e Fortaleza okumala emyezi esatu. Abaatusembeza baali Marcello ne Aline Ramos, abafumbo abato abatya Katonda abataakoowa kutuwa mukisa.

Ennyumba yaabwe yali ku kalinnya akookutaano ak'ennyumba ey'amagolofa okumpi n'olubalama lw'ennyanja era olutambula olusanyusa lwatutuusanga ku ofiisi ennene ey'omu kibuga wakati eyafuuka essinga ery'enteekateeka zonna. Obudde bwa buli kiseera bubuguma e Fortaleza naye buli kawungeezi, empewo empola yafuuwanga ng'eyita mu nnyumba n'ekankanya ebifaananyi byonna okuva ku kisenge singa twali basirusiru okuleka amadirisa gonna nga gaggule!

Nayiga okwogera mu Lupotugiisi n'okugonjoola okutaataaganya okumu okwavanga mu ofiisi, naddala olw'enjawulo mu buwangwa wakati w'abakozi ab'omu kitundu n'abakozi ba YWAM abaava ebweru w'eggwanga abaali bazze okwenyigira mu kaweefube k'okubuulira Enjiri, nga bakolera mu nguudo ne mu masomero nga tunnatuuka ku nnaku ssatu ze twali tugenda okumala mu kisaawe ky'omupiira eky'omu kitundu okumaliriza kaweefube.

Ekyokulabirako kimu kyandirabise nga kya kusesa bwe tukirowoozaako oluvannyuma. Ekibinja ky'abavubuka abaava mu USA baali bakoze ttiisi eza langi ezaliko ekigambo “No comprommiso,” nga balowooza nti kino kitegeeza “Tetukyusa” (No compromise). Emikwano gyange Ababrazil ne kibasobera kubanga ebigambo mu Lupotugiisi mu butuufu bitegeeza nti “tewali kwewaayo” – ekyawukana ddala ne kye baali bagenderedde!

Essanyu mu kibuga lyalabikira ddala kubanga buli gy'olaga, waaliwo obukakafu ‘obw'okuwamba kw'Enjiri.’ Olukuŋŋaana lw'obukulembeze lwa YWAM lwali lulungi nnyo era lwampa omukisa okuddamu okusisinkana n'abamu be nnamanya mu kiseera we nnali ku Anastasis.

Abaminsani okuva mu mawanga mangi bajja okwogera ku Lukuŋŋaana lw'Obuminsani, olwajjibwako Ababrazil enkumi n'enkumi – obuwanguzi obw'amaanyi obwandyanjudde abaminsani abapya bangi mu nsi. Munnange Marcello muvunuzi mulungi nnyo kyeyava aba ye avunula mu kaweefube k'okubuulira Enjiri okusinga. Kino nakyo kyali kya buwanguzi bwa maanyi mu bikola byakyo ne mu muwendo gw'obukalu bw'abo abaali beebuuza ge twali tugenda okuwa abasumba ab'omu kitundu oluvannyuma balyoke bagobererenga. Bwe nnabuuza Jon, eyavunaanyizibwanga obukalu buno, obungi bwe twali tufunye, ebigambo bye tebigenda kwerabirwa. “Gareth” yagamba, “twalekera awo okubala nga tutuuse ku 45,000!”

Nasanyusibwa nnyo ekibiina ky'ennyimba ekyakulembera okusinza mu buli kawungeezi ku nnaku essatu mu kisaawe ky'omupiira. Baali kibiina kya mwannyina omusajja ne mwannyina omuwala, nga balina abayimbi abaddirira abaava mu kkanisa ennene mu Belo Horizonte. Kyali kirabika nti buli abavubuka lwe baabanga abanyiikivu mu ngeri gye baddangamu ku nnyimba, oba mwannyina omusajja oba mwannyina omuwala amangu ago yabakomyawo ku kussa ekitiibwa ng'afukamira mu kasirise ku maykolofoni n'asaba.

Nasisinkana mwannyina omusajja bwe nnali ntambula ne Marcello ku lubalama lw'ennyanja ku lunaku olwaddirira ne mmwogerako ku kino. Okuddamu kwe kwali kuzzaamu nnyo amaanyi kubanga yagamba nti baali bategeera engeri ebiseera ng'ebyo gye byandibadde 'eby'emmeeme' (nga bigobererera enneewulira z'omuntu okusinga Omwoyo), kyebaava bamalirira ye ne mwannyina omuwala okukyusa obunyiikivu bwonna okubuzza ku Mulokozi oyo yekka asaanira ekitiibwa. Tekyewuunyisa nga balaba Mukama ng'akola ebintu ebyewuunyisa bwe bityo mu buweereza bwabwe!

Nnadda e Fortaleza mu 2002, oluvannyuma lw'emyaka ena, era nnasanyuka okulaba nga buli kkanisa gye nnakyalira yali eyongeddeko waakiri emirundi ebiri mu muwendo okuva ku lugendo lwange olwasembayo. Nate, nnayogera mu kkanisa nnyingi ne mpeereza abantu bangi abaakwatibwako okuyigiriza kwange ku 'Release' (laba ekitabo kyange The Key in My Hand). Mu bintu ebisinga obukulu, mwe mwali okwogera ku lukuŋŋaana lw'abasumba ba Assembly of God olw'obukiikakkono-buvanjuba bwa Brazil. Guno gwali mukolo gwa nnaku ssatu era gwalimu abasumba nga 150.

Ekintu ekirala ekikulu kyali okuweereza abafumbo abato abaali baakamala emyezi mukaaga gyokka nga bafumbiŋŋanye naye kati nga bali mu nkolagana embi nga tewali kwagalana. Maria omutono ono yajja gye ndi n'ennaku nnyingi ng'agamba nti Alfonse yali amwesuddeko (si mannya gaabwe ga ddala). Nga olugero lwe bwe lwagenda lwanjuluka, nawulira obulumi okuddamu okuwulira ku bukambwe bangi bwe bafuna okuva ku bakitaabwe. Sijja kwogera ku byama byonna Maria bye yanjagaza naye kimala okugamba nti waaliwo okuvuma kungi okw'ebigambo okuva eri kitaawe. Bwe yali mu myaka egisembayo egy'obuvubuka bwe yajja eri Kristo, n'asisinkana omuvubuka (Alfonse) n'afumbirwa.

Olwokubanga omusumba yakkiriza eŋŋambo nti yali malaaya, eŋŋambo ze yeegaana, yagaana okubagattira mu kkanisa, n'alonda okukola omukolo omutono ku maka g'omugole omusajja, ogwajjibwako bazadde be bokka. Oluvannyuma lwa bbanga ttono ne bajja e Fortaleza okukolera ne YWAM. Nayigiriza Maria nti kitaawe n'omusumba baali bamwonoonye era nti yali yeetaaga okubasumulula alyoke Katonda atandike enkola y'okumuwonya.

Yali ateekwa okuwandiika ebbaluwa ng'ategeeza ensonga ze zonna eziri ku kitaawe alyoke abeere n'ekiwandiiko kya byonna bye yali amwetegefu okumusonyiwako. Ekiro ekyaddirira yasula okuwandiika ebbaluwa (etaali ya kuweerezebwa) era yali yaakamala okugiwandiika Alfonse bwe yazuukuka mu tulo, n'ayingira mu kisenge n'aggya ku Maria ebbaluwa n'obusungu. Yaddamu okuyingira mu kisenge oluvannyuma lwa ddakiika ntono ng'akaaba nga agamba nti, “Saategeera! Saategeera!” Ne beegwatako era ekiro ne kikoma mu kwagalana. Ku makya, ne bajja bonna okundaba, nga basazeewo ‘okusumulula’ kitaawe wa Maria n'okumusabira emikisa.

Ku lunaku olwaddirira Christine, mukyala wa Tony yajja gye ndi ng'agamba nti, “Gareth, buli mwezi abafumbo ab'oku base bakuŋŋaana wamu okumala akawungeezi ak'okussa ekimu n'okusanyuka, oluvannyuma ne tuwaayo ekiweebwayo omufumbo omu alyoke afune akawungeezi ak'okwagalana mu woteeri ow'omu kitundu ewala ne base.”

“Omwezi guno, ssente zaawebwa Maria ne Alfonse, naye ne bazigaana.” Nnamanya ensonga lwaki. “Kaakano bazze ne bazisaba kyebava baba nga bagenda okuva ku base ku nkomerero y'omwezi guno. Omanyi nti tebaali na mbaga ntuufu, tebalina bifaananyi bya mbaga era tebaali na kuyaniriza bagenyi? Nnali njjagala okumanya ky'olowooza ku kirowoozo kino. Nninawo olugoye lwange olw'embaga era ndi wa kigero kimu ne Maria. Olowooza banaanyiigala singa mbawa olugoye lwange balyoke bafune ekifaananyi ekirungi nga tebannagenda mu woteeri?”

Wadde nga Christine yali tamanyi nti nnali nzenyigidde mu kubuulirira abafumbo bano, namukakasa nti ekyo kyandibadde kirowoozo kirungi, kyetwava tugenda ffembi okubabuulira, ekyampa n'omukisa okubakakasa nti nnali nkyakuumye ebyama byabwe.

Ku lunaku olwaddirira nnali ŋŋenda e Canada, Tony bwe yali antwala ku kisaawe ky'ennyonyi, ne mmuwa ekirowoozo nti ayinza okuyita base yonna wamu ku wikeendi ne bakola omukolo ‘ogw'okujaguza okwagala’ ku lwa Alfonse ne Maria, kwe bandyambadde ‘engoye zaabwe ez'embaga’, ne bakola obweyamo n'ebifaananyi eby'okujjukira. Yakirowoozako nga kirowoozo kirungi. N'agattako n'ekikye. Olwokubanga yali ateekeddwa okubatwala mu woteeri, yandibuze ‘ekkubo’ mu lugendo n'akoma ku nnyumba ey'oku lubalama lw'ennyanja, eyalina ekidiba kyayo eky'okuwuga, eya Romeo mukwano gwe eyali agiwaddeyo bwereere ku wikeendi. Abalala bonna ab'oku base bandibaddeyo n'akakeeke ak'embaga n'okuyaniriza abafumbo. Bwe kityo, mu nnaku bbiri ez'okuba nga ‘asumuludde’ kitaawe, Maria yandyeyagalidde emikisa gyonna egy'embaga, okuyaniriza n'emikwano n'ebifaananyi. Nabuuka okudda eka nga nsanyukira obulungi bwa Katonda waffe!